Şander Bavê Ronahî
Çavkanî : Lotikxane
NEVÎYA ZERDÛŞT
Bavê Ronahî
Li Palo gundê Mîrehmed jinikek li ser bênderê genimê xwe dide hev. Ji nişka ve baranek dibare û tofan û lêmiştî radibe. Genimê jinika feqîr tev li baran û lêmiştîyê dibe, diçe û her diçe.
Jinik diqehire û destê xwe li ber esmanan radike û dihejîne. Bi dengek bilind dike qêrîn û ji xwedê re îsyan dike û dibêje: Ma tu şerm û eyb nakî? Ma dilê te qet naşewite? Ma tu korî û nabînî ? Çima tu risqê feqîran jê distînî? Ma em feqîr jî ne ebdê te ne? Tu xezeba xwe li ser me de dibarînî, ma tu jî hevalê zordaran î? Raste, raste tu hevalê wan î. Heke tu ne hevalê wan î, tu çima risqê me ji me distînî? û gilîyê xwe dike.
Jinên gund jî van gotinan dibihîzin. Lewre jî dibêjin: Ew kafir e û pê re xeber nadin, heqaretan li jinikê dikin, êrîşan dibin mala wê, nahêlin zarokên wan bi zarokên jinikê re heber din û bilîzin. Bi serde jî zarokên gund li zarokên wê dixin û dibêjinê:
Dêya te kafir e. Ji ber van sedeman jinik ji qehran dibeece û dimire.
Piştî çend mehan Şêx Mêhdîyê brayê Şêx Seîdê kal, vê bûyerê dibihîze û diçe gundê Mîrehmed. Lêpirsînan dike ka ev mesele qewimîye yan ne. Bûyer rast derdikeve. Şêx Mêhdî ji wan re dibêje: Ka qebra wê xatûnê li kîderê ye, nîşanî min bidin da ku ez fatîhakê li ser bixwînim.
Jinên gund dibên: Çawa dibe Şêxê min! Em qurban, ne ew jinik kafir e, li henber xwedê îsyan kiriye. Ma fatîhe li ser wê tên xwendin, ew cehnemî ye, cehnemîîîîî!
Welhasil, Şêx Mêhdî diçe ser qebra wê û gundî jî didin pey wî û diçin qebristanê.
Şêx Mêhdî fatîhakê dixwîne û ji gundîyan re dibêje: EW NEVÎYA ZERDÛŞT e. Neheqîyê qebûl nake, li henber neheqîyê serî hildaye. Heqê xwe xwestîye. Heke we jî heqê xwe xwestiba, li henber neheqîyan nerazîbûna xwe nîşan daba, hûnê neketibana van halan.
Ev serpêhatî di roja Newrozê de kek Îrfan Aydin ji min re got. Wî berê bi zaravayê Dimilî di kovara VATE de weşandibû. Lê ji ber ku wî bi zazmanckî got ( Kurmancîya bi aksenta Zazakî) min evqas jê fahm kir.
Îcar hûn jî wek nevîya Zerdûşt neheqîyê qebûl nekin Kurdino. Heger hûn neheqîyan qebûl bikin û bêdeng bimînin, bizanibin ku wê halê we her halê sefar`an be û hûn sax
